Refund Policy

Last updated: 8 October 2026

Khushboo Ka Karobaar ke kisi bhi product (Single PDF, Starter Pack, Full Bundle) pe refund nahi diya jaata.

Yeh digital products hain. Payment ke turant baad poora content download ke liye mil jaata hai, aur download hone ke baad use wapas nahi liya ja sakta. Isliye khareedi final hoti hai: na refund, na cancellation, na exchange.

Khareedne se pehle

• Product page pe har PDF mein kya hai, dhyaan se padh lo.
• Hamara free PDF padh ke dekh lo ki likhne ka style aur level aapke kaam ka hai ya nahi.
• Koi sawaal ho to khareedne se pehle khushbookakarobaar@gmail.com pe pooch lo.

Agar file nahi mili ya khul nahi rahi

Yeh refund nahi, madad hai. Agar payment ke baad download link nahi mila, ya file kharab hai ya khul nahi rahi, to khushbookakarobaar@gmail.com pe email karo. Saath mein payment ka screenshot ya transaction ID aur woh email bhejo jisse khareeda tha. Hum 2 working days mein sahi file bhej denge.

Do baar payment kat gayi

Agar galti se ek hi product ke liye do baar payment ho gaya, to extra payment wapas kiya jaayega. Payment ke 7 din ke andar proof ke saath email karo. Paisa 5-7 working days mein usi payment method mein aata hai.